هل لديك سؤال تود طرحه على الفريق؟
اكتب لنا السؤال أو التعليق في قسم التعليقات و سوف نقوم باختيار مجموعة و الاجابة عليها في الحلقة القادمة
حيث سنقوم بتسجيلها يوم الأحد ٢٦-١٠-٢٠١٤ مساءا فبإمكنكم المشاركة قبل ذلك
:طلب من المشاركين
– يرجى المساعدة بكتابة مشاركاتكم بالعربية حتى يسهل علينا قراءتها للمستمعين إن أمكن .
– كتابة سؤال واحد للشخص, اذا تعددت الأسئلة سنختار أول سؤال.
و شكرا
24 responses
السلام عليكم
شلونكم يا شباب عساكم بخير سؤالي يهمكم اذا اللعبه مسوين لها دعاية او اعلانات وانتوا ناطرينها تنزل ؟
انا عن نفسي احب ميتال جير واساسين كريد وايد ولا يهمني اذا كان مسوين حمله اعلانيه لها كوني اثق في استديو كوجيما ويوبي سوفت.
ويعطيكم عافيه
اقر التعليق كامل
سلام عليكم شباب LGG سؤالي اليوم هو ابي واحد يسوي صوت طبول للسؤال فضلا و ليس أمر…ابغاكم تذكرون لي كلمات بلهجاتنا غيبه بالانقليزي زي اليد حقت البليستيشن او الاكسبوكس يعني تخيل احد يقول give me the hand تتطلع غيبه فأنتم اذكرو كلمات تتطلع غبيه… و شكرًا يعقوب على معلومة ان الزومبي يموت اذا طلقت على رأسه <<<<ساركاسم. ومع الف خير
ما هي الأغنية الذي ممكن تسمعها (انفنت لوب) للأبد؟
(بدون تكرار)
هلا بالمحظوظين كيف أحوالكم
هذا الأسبوع ما عندي سؤال لكن بغيت أقول نورت السعودية بوجودكم وكان ودي اقابلكم لكن ظروف العمل والعائلة منعت ذلك
والعوض في الجايات ان شاء الله
السلام عليكم شباب
كل عام وانتم بخير بمناسبة السنة الهجرية الجديدة :)
سؤالي هذا الاسبوع:
لدي صديقين لديهما بلايستيشن4…… أبي أعرف الطريقة التي تسمح بتنزيل لعبة من الستور على الجهازين من خلال شراءها مرة واحدة فقط من حساب أحدهما؟؟؟
وكم عدد الأجهزة التي يمكن تنزيل اللعبة عليه؟؟؟
ممممممم إذا ما فيها تعب عليكم ياريت تسونها فيديو عشان يكون الشرح سهل للجميع. (أو تحطون وصلة فيديو موجوده باليوتيوب بالمنتدى)
ملحوظة: على طاري الأنيمي بالحلقه قبل الأخيرة…. أنصحكم بمشاهدة أنيمي:
أخوة الفضاء
English: Space Brothers
Synonyms: Uchuu Kyodai
Japanese: 宇宙兄弟
خصوصاً حق اللي يحب سوالف الفضاء …. حقاً أنيمي رائع :)
…. وشكراً
السلام عليكم ورحمة الله
سؤالي هو /
خلال السنتين الماضيتين ولحد الحين , صرت اذا تابعت فلم أحس بملل شديد , وطبعا مو كل الأفلام . بس الاحظ إنه نسبة شعوري بالملل للأفلام بدأت تزيد , وأتوقع هذا الشي بسبب إني أحب ألعب كثير وصارت الألعاب تقدم تجربة عميقة وخاصة إنه عنصر الجيمبلاي هو اللي يصنع الفرق الكبير بين الألعاب والأفلام . لأنه صارت الألعاب تقدم قصص وسينمائية ممتازة جدا قد توصل بعضها لمستوى الأفلام من حيث التأثير . فهل أحد شعر بهذا الشعور ؟ وهل يمكن يكون اللعب هو السبب الرئيسي ؟
وشكرا
في اغلب العاب البلاتفورم اذا طاحت الشخصية في الحفرة تموت
السؤال الخنفشاري يقول:
وش فيه تحت علشان الشخصية تموت؟؟؟؟
انا اتوقع ان بوابة تنقلهم لعالم “دورا” تنتظرهم تحت فتقرر الشخصية انها تنتحر احسن
الله يعطيكم العافية شباب لو تدلوني عموقع بوسترات ألعاب كنت أستخدم الموقع http://www.tothegame.com/
والآن صار بفلوس لو تدلوني عموقع آخر بدبل مجاني
ولكم ألف شكر
I don’t have any question in particular but wanted to comment on the fact that Al-watan has LGG doppelgangers. I’m on the look out if I could find the doppelgangers of other members in the team.
DG Yaqoub: http://i.imgur.com/lojNdKB.jpg
DB Besho: http://i.imgur.com/X8WtAkL.jpg
XD WOW
فوق فوق تحت تحت يمن يسار يمين يسار O X !!
الحين اقدر اسولف براحتي !
كيف الحال يشباب LGG !
بخصوص الاعبين ومجتمعاتهم في السعوديه ترا كبييير جدا و خصوصن في عالم اليوتيوب
يوجد الكثير من اهل القنوات ( الكمونتيتر ) كما يسمونهم ف علا سبيل المثال سعودي جيمر عند 390 الف مشترك في قناته و دحومي999 مليون مشترك !!!! و الجديد في عالم اليوتيب تلقاه 20 الف و 100 الف 50 الف هذوله العاديبن :) وسبب يرجع لاقبال الناس علا اليوتيب وبنفس الوقت للقيمز وتعداد الشعب السعودي الكبير بنسبه للشعب الكويتي !
وبنسبه لارتفاع اسعار الالعاب في مجمع الرحاب مو من المحلات نعم المحلات تزيد دينار دينارين!
ولاكن السبب الاساسي تجار الجمله ! عندي صديق في مجمع الرحاب فكنت اخذ منه العبه علا 14 دينار (سعر الجمله ) من ايام PS3 ولاكن التجار زادو السعر من 14 الي 20 (البعض ) و السبب لانه لايوجد موزع رسمي فا انت بنفسك تروح وتجيب العبه بكميات وبيعها علا اصحاب المحلات !
راعي المحل يزيد دينارين فتصير 22 ! و قبل 14 و تنباع من 16 الي 18 حسب العبه !
وبنسبه لراي يعقوب بالعاب الدجتل اشوف انك خسران من العاب ال 60 دولار فقط تساوي 17 وكسور! فا لمه تخلص العبه علا سبيل المثال ( انشاراد) خلاص ماكو داعي تحتفض فيها فتكون اللعبه كلفتك 17 اما لو تشتريها 20 و ترد وتبيعها ب 10 او 8 فتكون كلفتك 10 او ارخص
مثال انا شريت شدو اف موردر ب 25 (سعر خيالي نعم ) ورديت بعتها ب 10 فايعني كلفتني 15 بس هم لازم تحترم وجهت الاخرين و اراهم و اشوف كلام يعقوب علا العين و الراس
عندي بعد سوالف لكن جني طول شوي :)
بس انا مسوي CHEET
هذا سبب انقطاعي عنكم 3 اسابيع
تحياتي
السلام عليكم
شنو الالعاب الي ناطرينها لي نهاية السنه
salam 3alekom shabab^^
ya36ekom el3afya!
I have a technical question, what is the best way to connect an old console (Nes, SNES and mega drive) to a new TV(LCD or OLED)?
(note: other than using retron5)
mashkooreen^^
Watch this
thnx alot bro ^^
السلام عليكم ورحمة الله وبركاته ،
كيف الحال ياشباب؟ سؤالي هو عن كيف نقلل التعرض لل spoilers .. “مدري شنو مقابلها بالعربي” خاصة اذا كنت متحمس للعبة من زمان، بس في لحظة تخترب عليك القصة كلها بدون لا احم ولا دستور!! .. وشكراً
السلام عليكم ورحمة الله
شلونكم شباب ان شاء الله بخير
اليوم حبيت أسأل سؤال خاص ليعقوب ماله علاقة بالجيمز
شنو الخطوات اللي اتبعتها لتخفيف وزنك ! بالتفصيل الممل اذا سمحت
لأنه مع الأسف اروح للنادي حوالي شهر اخف خمسة كيلو واذا تركته ازيد عشرة كيلو
هلا هلا بالطيبين
شهر نوفمبر جاي ومتروس العاب وش هي الالعاب الي حاطين عينكم عليها من غير سماش وبتطقونها day one
اتمنى الكل يجاوب
السلام عليكم شباب،،
بشروني عنكم شباب إن شاء الله طيبين؟؟
فعلا مشتاق لكم ولسوالفكم وبودكاستاتكم،،
حبيت أسألكم شنو رايكم بسماش WiiU بشكل عام،، هل اللعبة ككل حصلت علی إعجابكم من الأخبار اللي قاعد تطلع من نينتندو عن اللعبة، وهل تحسون إن في أشياء فاجئتكم – بشكل ايجابي أو سلبي – من الأخبار بعد؟
شخصيا حيل حيل متحمس لها ويا ريت لو تسوون دوري حق متابعينكم،، لا تخافون ما راح أكون شديد ( أتغشمر،، أنا زين مني أعرف الدقم )
http://instagram.com/p/uiFNpKuBz4/
السلام عليكم و رحمة الله و بركاته
كيف الحال جميعاً
تمنياتي لكم بوافر الصحة و أتم العافية
سؤالي لهذة الحلقة
هل صحيح أن شركة أطلس بتنتج جزء جديد
من سلسلة بيرسونا 4 و اسمه
PERSONA 4 – Platinum
حيث تعيش فترة القصة ( سنة كاملة ) يوم بيوم بالضبط
لإتاحة اللاعب فرصة لتعرف على جميع الشخصيات الجانبية و الرئيسية
مع إضافة الشخصية الجديدة “ماري” لعالم بيرسونا 4
هل عندكم خبر بهذا الجزء ؟ و ما رأيكم به؟
شكراً لكم حبايبي على كل ما تقدموه
و اعذروني اذا ما شاركت من فترة طويلة
و السبب ما عندي اسئلة لطرحها لكم
بالمناسبة أحب اعرض لكم رسمة أولية لمشروعي الفني الجديد
للعبة PERSONA 4 – GOLDEN
لشخصية يو سينباي مع الشخصية الجديدة في الانميشن “ماري”
اتمنى تعجبكم..
حفظكم الله
تراكم نسيتوني ٣ حلقات :(
شي مؤسف الي قاعد نشوفة بسوق الالعاب الكويتي من ناحية غلاء الاسعار واستغلال اسم اللعبه لرفع السعر
بالنسبة لي انا دايم اكره اني اشتري ديجيتيل وهذا عيبي صراحة , ما احس اني شريت اللعبه الا اذا شفتها مركونة بالرف , احب اجمعهم واصفهم قدامي ^^ انا متأكد في ناس كثيرة مثلي
اعتقد سبب الغلاء اغلب المحلات يجيبون اللعاب من دبي بسعر بعض الاحيان يكون غالي وطبعا المحل راح يبيعه غالي على المستهلك
اتمنى هذي المشكلة تنحل باسرع وقت : )
واشكركم على مجهودكم يالربع : )
عوض يا ليت تكتب مشاركتك بالصفحة الصحيحة على شان ما تطوفنا وقت التسجيل و تضيع مشاركتك.
هذا الرابط الصحيح: https://luckygg.com/tod_q_2-11-2014/
و يعطيك العافية