هل لديك سؤال تود طرحه على الفريق؟
اكتب لنا السؤال أو التعليق في قسم التعليقات و سوف نقوم باختيار مجموعة و الاجابة عليها في الحلقة القادمة
حيث سنقوم بتسجيلها يوم الأحد ٢٤-٧-٢٠١٦ مساءا فبإمكنكم المشاركة قبل ذلك
:طلب من المشاركين
– يرجى المساعدة بكتابة مشاركاتكم بالعربية حتى يسهل علينا قراءتها للمستمعين إن أمكن .
– كتابة سؤال واحد للشخص, اذا تعددت الأسئلة سنختار أول سؤال.
و شكرا
16 responses
وش رايكم بتصنيف الرعب حاليا بالألعاب؟.. أنا أشوفه ضعف كثير باستثناء ألعاب قليلة مثل سايرن و بي تي
سلام عليكم شباب LGG
هلا هلا بالرجعة بعد الانقطاع و رجعة الأسئلة
سؤالي هو متى بنعرف موعد نزول حلقات بودكاست دبل جمب
و عندي تنويه وش يعني لكم مزيكا ألعاب
و ملاحظة هل في عودة لبرنامج يعقوب الساخر برنامج ال؟؟؟
لا تقولون سألت اكثر من سؤال هو سؤال واحد
XD
والله وش اسوي يا شباب
من افضل و أمتع البودكاستات ان ما كان الأفضل صراحة تعطوني جو الديوانية و مشو لي عاد اول اسئلة بعد الانقطاع و سلامتكم
السلام عليكم شلونكم يا شباب عساكم بخير
سؤالي ماعندكم فكرة اذا راح ينعرض عندنا بالسينما الكويت فيلم
Godzilla Resurgence
ويعطيكم عافيه
مساكم الله بالخير يا جيل المحظوظين
منو فيكم يتابع مانجا بيرسيرك
ودي اعرف هي خلصت ولا ليلحين شغال وهي تنزل كل شهر او اسبوع
ومشكورين يا احلى بودكاست في العالم
مساكم جميل يا شباب شخباركم
يعقوب ماعليك امر بالنسبة ياكوزا
ايشين انا خلصتها وهي تتكلم عن قصة ساكاموتو ريوما
وما ادري قصة اللعبه ماخذينها من قصته الحقيقية بالكامل ؟
واذا لا ما تدري اذا فيه مسلسل او فيلم ياباني لايف اكشن تتكلم عن قصة حياته
ويعطيكم الف الف عافيه على بودكاست وبالتوفيق
قوووووووووووووووووووووووووووة !!! شباب
ان شاء الله بصحة وعافية
بمناسبة العودة راح أسئلكم سؤال صعب شنو أفضل ثلاث اقتباسات(quotes) قالتها شخصيات في الألعاب?لكل واحد منكم
بالنسبة لي ( ياليت تقرؤن الاقتباس ثم تترجمونه)
1- “war is where the young and stupid are tricked by the old and bitter into killing each other”
(niko bellic -(GTA 4
2-“UNFORTUNATELY, KILLING IS ONE OF THOSE THINGS THAT GETS EASIER THE MORE YOU DO IT.”
(solid snake -(metal gear solid
3-“Steel wins battles. Gold wins wars.”
(the Dragon Knight- (dota 2
و بعطيكم رابع للضحك مشوها لي يالربع :)
4- “Don’t wish it were easier, wish you were better.”
(Chief-(Animal Crossing: New Leaf
هل جربتم لعبة
cooking mama
اللي على الجوال ولا لا؟
تحبون سونك المكرش و الا سونك ٢٠٠٦ و طقته
مساكم الله بالخير
انتشر اليوم هاشتاق
#تويت_كانك_في_التسعينات
كل واحد يعطينا شيء من ذاكرته أيام التسعينات
أنا أتذكر كنت أغسل شريط بلايستيشن ون اللي مايشتغل بالموية والصابون واذا ركبته ادعي الين تطلع علامة بلايستيشن
ياليت تشغلون صوت boot up الشجي في حلقتكم
اعذرني يا هيثم ترى نسيت احط صوت البلايستيشن بالرغم من اني حطيتها باكثر من حلقة -_-
حيا الله شباب الحظ كلهم
أحد متابع comic-con ذي السنة ؟
أهم الاعلانات بنظري
Doctor Strange اكيد Benedict Cumberbatch راح يبيضها
Spider-Man: Homecoming
guardian of the galaxy 2
WONDER WOMAN
Justice League
السلام عليكم
كل عام وأنتم بخير وصحة وسلامة …….<<<أدري متأخر بس الشكوى لله
عندي سؤال لكم يا شباب الديوانية
أنا ودي أسوي upgrade لكرت الشاشة مالي gtx770 لأحد كروت انفيديا الجيل الجديد
وبالتحديد ودي بكرت gtx1070 لأن سعره الرسمي جدا ممتاز 380$
لكن مع الأسف هذي المرة انفيديا مصختها نزلت كروت"Founders Edition " قبل كروت الشركات بكم شهر على 450$
مع كذا صبرت الى الحين توهم الشركات ينزلون كروتهم النسخ العادية أقل واحد 430 zotac (المخيس) والسعر في ازدياد بسبب قلة الكمية في السوق
وكثرة Scalpers (اللي يشتري بالسعر الرسمي من الشركة ويزيد في السعر ) حتى الأن الكرت اللي أبيه من asus وصل الى 500 على amazon
برايكم أنتظر الى ماترخص ولا أصبر للجيل الجديد لأن الكرت راح يكون قديم بوقتها ؟خصوصا ان قبل كم يوم أعلنوا عن titan x وما ادري عن amd
وشنو رايكم بحركة انفيديا هذي السنة؟
أسف للاطالة
خبر كرت titan x
http://arstechnica.com/gadgets/2016/07/gtx-titan-x-pascal-specs-price-release-date/
مساء الخير
سؤالي هذا الأسبوع وش افضل موقف في الألعاب فيه انتقاد لواقع الحياة اليومية؟
بالنسبة لي ويتشر 3 اخر اضافة جاريلت يقابل شخص يبغى يعطيه مكافأة يقول رح خذ مكافأتك في البنك
يروح جاريلت للبنك ويصد بالبروقراطية يلقى حسابه مغلق يروح لشباك رقم 3 عشان يأخذ استمارة تفعيل الحساب يفاجأ بمتاهة من المعاملات و الاستمارات والنطنطة بين شبابيك الموظفين والخ (نقد البروقراطية في العمل مثل الجهات الحكومية ) هذا فيديو للمهمة للي يبغاه لا يفوتكم مضحك جدا
why sega still keep releasing sonic games , i can understand a companies that milk good or great games like ubisoft and nintindeo but sega has rounied the sonic franchise with horrible titles
Like boom and 2006 ect
#sorry_yaqoub
بما أننا في حمى pokemon go شنو المشاهد الغريبة اللي شفتوها على ارض الواقع أو سمعتوا عنها (من غير اشاعات)؟
عن نفسي شفت شباب الايمان يتقطر منهم الساعة 8 الصباح مداومين عند مسجد المنطقة (لأنه جيم ) واللي يسوق بالسيارة داخل الحي 20 km
و اللي يوقف عند بيت الجيران الساعة 11 بالليل لأنه pokestop واذا قربت منه حرك سيارته lool
أنا أختلف مع الأستاذ يعقوب الحسيني من ناحية ان product سيء أشوفها جدا ممتعة وتساعد على الحركة كثير على الممشى يلعبونها أقلها يحركون الشباب من البيت مع ان الجو ما يساعد lol
قواكم الله يا شباب شلونكم
شنو افلام بالسينما شفتوها عقب العيد الفطر ورايكم فيه
موفقين يا رب