هل لديك سؤال تود طرحه على الفريق,
اكتب لنا السؤال في قسم التعليق و سوف نقوم بالاجابة عليها في الحلقة القادمة
حيث سنقوم بتسجيلها يوم الأحد ٢٣-٣-٢٠١٤ مساءا فبإمكنكم المشاركة قبل ذلك
طلب من المشاركين:
– يرجى المساعدة بكتابة مشاركاتكم بالعربية حتى يسهل علينا قراءتها للمستمعين بالعربية إن أمكن .
– كتابة سؤال واحد للشخص, اذا تعددت الأسئلة سنختار أول سؤال.
و شكرا
29 responses
هلا بالشباب الحلوين كيف أحوالكم فقدناكم الاسبوع الماضي
سؤال هذا الأسبوع هو : هل تشوفون ظاهرة تسرب الألعاب عندنا في الأسواق الخليجية قبل تواريخ اصدارها ايجابية أو سلبية ؟ وليش ؟؟؟
مشكورين
السلام عليكم شباب شلونكم انشاءالله بخير ماتلاحظون ان وايد ناس يهتمون بتقيم اللعبه واللي يتكون من ارقام احس وايد العاب انظلمت اسبه هالشي واحس وايد ناس ماتشتري اللعبه وتقيمها بنفسها فاذا شاف الرقم متوسط مايشتريها ويعتبرها فلوب !!
السلام عليكم
يا هلا بالشباب
سؤال واحد بس من جزئين ^___^
بالنسبة حق يايبه نينجا قايدن
شرايكم فيها
و بالنسبه حق شخص يحب نينجا قايدن ويحب اعمال كيجي انيفوني بس (مو ذاك الزود ويّه سودا.)
تنصحونه باللعبه؟
السلام عليكم
أحوالكم يالمحظوظين؟
البودكاست حقكم من أروع البودكاستات العربية اللي سمعتها
يعطيكم العافية على جهودكم
أخوكم سعودي لكن يحب الكويت وأهلها اللي هم أقدع ناس (مع السولار طبعا)
سؤال الحلقة:
لاحظنا أن تقييم ميتل جير جراوند زيروز هو الأقل من بين كل ألعاب السلسلة. أكثر التقييمات تذم اللعبة على أنها قصيرة وايد و هدفها أنها تطلع فلوس من الناس. هل طول اللعبة مقياس لجودتها بالنسبة للمحظوظين؟ و هل الناس تعودت على الأوبين ساند بوكس لدرجة أن العكس صار غير مقبول؟ و أخيرا ما هو تقييمكم للعبة؟
مشكورين مقدما..
السلام عليكم
اشتقنا لكم يا اخوان الاسبوع الماضي
كان ودي اشوف الستريم بس النت تعبان هالفترة
على العموم سؤالي لكم بخصوص تايتنفال وميتال قير الي لعب اللعبتين على اجهزة الجيل الجديد
انا الى الان ماشريت البلايستيشن 4 والاكس بوكس ون وبما انكم لعبتوا اللعبتين (أعتقد) فهل تعتقدون انهم يستاهلون اخذهم على الاجهزة الجديد والا أكتفي بنسخة الجيل الماضي؟
السلام عليكم ..
انا الانجليزي عندي ضعيف .. هل إذا لعبت انفمس بفهمها ؟
و لا اللعبة ما تحتاج انجليزي قوي ..
السلام عليكم
شلونكم يا شباب عساكم بخير حبيت اشكركم بالبداية على الستريم اللي سويتوه اسبوع اللي فات كان عجيب بالذات لعبة اهرامات وتايتن فول ونتمنى نشوف مثل هالسوالف بين فتره وفتره حلوه كانت .
سؤالي تعتقدون ليش المنتجات اليابانيه غاليه وايد من ناحية اسعارهم من اجهزة والعابهم هالدرجه شعبهم غني .
ويعطيكم عافيه
السلام عليكم كيفكم عساكم بخير بغيت اسال وش قصة لعبة ميتل جير جراوند زيروز ؟ و وش تتوقعون تكون قصة فانتوم بين ؟
تعليقي ان كوجيما ماخذ بعض قصة فانتم بين من فيلم رامبو 3 وبالتحديد المشهد الي ضهر في التريلر حق فانتم بين الي في اي ثري 2013 يوم سنيك او بيق بوس ينقذ كاز في افغانستان نفس قصة رامبو 3 يوم جون رامبو يروح افغانستان عشان ينقذ العقيد سام .
السلام عليكم ورحمة الله , متابعكم كالعادة من عُمان وتحية لأهل الكويت
سؤالي بكل تأكيد في هذه الحلقة راح يكون عن Metal Gear Solid Ground Zeroes والتقاييم الغريبة لها
حبيت أسأل / هل توافقوني الرأي إنه Kojima وصل فكرة التعذيب والإنتقام في Ground Zeroes بشكل ممتاز؟
لأني شخصيا , أقول أيوا بنسبة 90 % . المشاهد السينمائية اللي تغيرت بشكل كبير عن أجزاء ميتال جير السابقة واللي
صارت منذ بداية الجزء الخامس ( واللي هو جراوند زيروز ) معتمدة بشكل كبير على عنصر التعذيب والسوداوية
في القصة . بالإضافة إلى الأشرطة الموجودة في اللعبة التي تخص chico واللي تظهر مدى العنف والعذاب اللي
جاء للشخصيتين PAZ و Chico من Skull Face وخاصة الشريط الرابع اللي بالفعل كان نغمته الإغتصاب
( بدون حرق ) وإرغام شيكو على فعل أشياء قبيحة للغاية .
السؤال الثاني :
لماذا أغلب المواقع لا تحاول أن تفهم الناس والمقبلين على السلسلة , أن ميتال جير سولد هي لعبة مختلفة
لأنه إعتمادها الكلي على القصة وانك تسمع كل شي مهم في اللعبة من محادثات وغيرها , وأتوقع الغلطة
اللي صارت لميتال جير جراوند زيروز هي واقعه في هاذي المشكلة . شخصيا خلصت اللعبة في ست
ساعات تقريبا بسبب إني كنت أدور على الأشرطة , حتى أفهم أحداث Ground Zeroes
شكرا وعذرا على الإطالة
السلام عليكم
اول شي انا نادم جدا لاني توني اعرفكم من شهر فاتني كل الماضي :(
سوالي هو
انا عندي قناه باليوتيوب مكونه من 4 اشخاص صارنا سنه ولا حصلنا الدعم
واللي نقدمه كل جديد اول باول
و اسم القناه لو حابين تشوفونها 7elmGamer
كل واحد يختار عالم العاب يحط واحد يكرهه فيه… انا عن نفسي في واحد ودي أحطه في عالم last of us يقوم من النوم على صوت الكليكر ياسلاااااام :)
انا ودي احط واحد بدارك سولز ههههه واريح نفسي منه
بورتل احط بورتل بالسقف والأرض وكل شوي يطيح ويرد
السلام عليكم ورحمة الله وبركاته
كيف حال الشباب عساكم تكون بخير وعافية
الاسبوع الماضي كنت حاس فية شيء نقص عن غير العادة وقاعد اقول ياربي وش هو ( طلع المليح LGG )
وللاسف ما حصل لي الشرف على مشاهدة الستريم بوقته لاني كنت مسافر
لكن شاهدت الفيديوهات في قناتكم بعد كم يوم
سؤالي هالاسبوع
ليش أنا أحبكم ؟؟ ههههههههههه امزح (لا بس صدق احبكم)
من زمان وكان نفسي اكون فريق للالعاب يقدم تخاتيم ومراجعات واخبار وش تنصحوني اسويه عشان اكون هالفريق
وللمعلومة مو هدفي الربح والمادة لكن اهم شيء عندي الضحك والوناسة
هلا بالشباب
شخباركم؟ ان شاء الله تمام
وشو توقعاتكم لـE3 هالسنة لكل من سوني، ميكروسوفت وننتندو؟
ادري ان بدري شوي على ذا السؤال…لكن ابغاكم في المستقبل تضحكون على التوقعات اللي سويتوها اليوم، أو تستانسون على الـPrediction القوي اللي سويتوه (احم احم…علي…احم احم)
وسلامتكم
السلام عليكم
اشتقنا لكم يالحبايب و أكيد اشتقتوا لنا (أتغشمر)
شلونكم و شخباركم؟!
سؤالي هو: هل في يوم من الايام و انتوا نايمين…حاشكم حلم له علاقه بالڤيديو جيمز؟! اذا اي…شنو أغرب أو أكثر حلم يضحك حاش كل واحد فيكم؟!
انا عن نفسي لما أكون حيييل ناطر لعبه تنزل…أحلم اني بالرحاب رايح أشتريها و لما اوصل البيت بلعبها اقوم من الحلم و أتحسف اني قمت
و يعطيكم العافيه مقدماً عالحلقه
If it was possible for only one wish to happen to you guys and it can be anything except (I wish for many wishes) because only one is possible to happen. What would you guys like it to be?
Also Yaqoub, i raise you this as the best unboxing ever.
السلام عليكم
ماتوافقوني الرأي أن كوجيما نصب علينا نصبه أليمه بقراوند زيرو 30 دولار على ساعه ونص come on
يمكن بعضكم يقول فيها كولكتبلز وسايد مشن اقوله هاذي متل جير متى كان السايد مشنز فيها مهم أهم شي القصه غير أن كل الألعاب إذا بطلع كل شي فيها راح تاخذ منك وقت
مع إني من اكبر الفانز لمتل جير لكن اتمنى الجزء هذا يفشل عشان كوجيما مايفكر ينزل ديمو بفلوس مره ثانيه
يعطيكم العافية و مسائكم خير شباب الصراحة احب اشوف اكبر عدد ممكن يمر عليهم سؤالي وهو اذا الشخص اقتنع قناعة تامة في لعبة او جهاز معين قناعة شخصية بعدين قام و استشار الناس بختلاف اماكنهم و الاغلبية قالو له اختيارك غلط اهني الشخص يتنازل عن اختياره عشان راي الاغلبية او لا والله يوصل حق قناعته الشخصية و يحقق اختياره بالواقع؟ اسف على الاطالة و قواكم الله ♥ LGG •
السلام عليكم شلونكم شباب
خال نلعب لعبه لو كل واحد فيكم عنده بالبنك رصير ما يخلص #ليقسي شنو راح يسوي فيه وليش
لوووووول
السلام عليكم, شحالكم أن شاء الله بخير
وكعادتي أجازتي خلصت بدون ما ألعب فاينل ١٢ والحين ما لي نفس ألعب أي شيء منزلي بما أن المعهد
بدأ وبأذن الله برجع للعبة شهر ٥ لما أتخرج. العجيب أني قاعد ألعب بالمحمول وما أحس بأي شيء شكله لأني أقدر
أستخدمه أي مكان (الكسل وشنو يسوي)
الحين توني ابدأ في فاينل ١٠ بما أني مأخذه على الفيتا فالنفسية عادية وعندي أستفسار لما تبدأ اللعبة بيعطونك خيار بين
Normal و Expert لشيء أسمه Sphere Grid كل الي فهمته أن له علاقة بقدرات الشخصيات
هل ممكن تشرحونه لي بما أني أخترت الـExpet
وشكرا
اشتقنا لكم اسبوع كان طويل جدا
heathstone وما أدراكم ما hearthstone تجاربكم وأنطباعكم عنها واذا ما جربتوها جربوها تراها F2P أنصح فيها وبشدة
وأفضل لعبة كروت لعبتها بحياتي
شنو افلام اللي شريتوها على ايام الفيديو القديم
VHS
وودكم ترجع هالايام .
عن نفسي شريت فلم رزنت ايفيل جزء٢ وسبايدر مان الجزء٢ وحده مواضح
وترى لحد الان ابيكم تلعبون لعبه
Yie Ar Kung-Fu
ارجووووكم لا تنسوا اسرانا
السلام عليكم
مدري ألحق و لا ما ألحق
حبيت اسلم عليكم
و أهنيكم علي البرنامج الغذائي اللي تتبعونه
شوي و تصيرون عارضين أزياء …
من السرعة ما عندي سؤال
و مع السلامة
السلام عليكم شباب
حلوة كولكشن الألعاب إلي وراك يا يعقوب
بالنسبة للأجهزة فلأ، ما عمري شريت جهاز من أول يوم و السبب زي ما ذكرو الشباب قبل.
أما الألعاب فتصير لي أحيانا إذا في لعبة متحمس لها نزلت في فترة عطلة أو فترة تكون ضغوط الدراسة فيها قليلة. مثال عليها كان the last of us و lightning returns FF13 و zelda a link between worlds
أحيانا أكون فان كبير لسلسة معينة و في هذي الحالة لازم أكون من أوائل الناس اللي تحصل على اللعبة بدري حتى لو كنت مشغول وقتها والمثال الوحيد على هذا سماش.
محمد شلونك! زين؟ الصراحة ماعليه الي صار معاك الحين صار معاي الاسبوع الي طاف :Pp نفس سالفة النمرة غلط ايام قبل هههههه لأن مكان تعليقك حرق عليك وقت المشاركة! السبب ان مكان تعليقك ماله شغل في قسم المشاركة الي تقصدها™ارجو تقبل هالتعاون مني لان احنا من ” جماهير ” هالجيل المبدع LGG والخير باذن الله مستقبلا اكثر ♥
الله يعافيك أخوي.
بعد ما كتبت ردي قعدت أقرأ الردود فحسيت أن مالها علاقة. بعدين استوعبت أن هذا المكان الغلط و كتبت ردي هناك.
بس تسلم على التنبيه.
العفو والله يسلمك اخوي محمد سامحني لأن حسبتك ناطر المشاركة بدون لاتشارك ♥ وعزيز وغالي •