اسأل الفريق في برنامج “الديوانية” لتاريخ ٢١-١٢-٢٠١٤

السلام عليكم
شلونكم يا شباب عساكم بخير
سؤالي هالاسبوع يمكن اول ما راح تشوفونه راح يطلع من خشومكم غبار شنو كرتون اللي بالثمانينات نزل عليه لعبه ؟ بس غير كابتن ماجد وسوبر روبوت لاني جربتهم ، ما تذكرون اذا كان فيه العاب وجربتوهم مثل سانشيرو وكابامارو وعدنان ولينا او نمر مقنع او جونكر او رانزي او كعبول.
حمد ويعقوب ماغيرتوا رايكم على افضل لعبه هالسنه ترى فيه مجال تغيرون ههههه
ويعطيكم عافيه

السلام عليكم شباب
سؤالي لكم هو : شنو نوع السماعات الي تستخدمونها للألعاب ؟ واذا عندكم نصيحة لسماعات استخدمها استخدام عام يعني العاب وافلام و موسيقى وكذا ،ياليت تفيدونا. وبس.

السلام عليكم
شلونكم يالحب؟
عندي سؤال و استفسار و تعليق
السؤال: هل تؤيدون او تحبون الالعاب الي يكتبون لك اشكثر خلصت من اللعبه ولا تحبون تلعبون و ما تدرون اشكثر باقي عالنهايه؟
الاستفسار: اذا بلعب بيرسونا كيو…هل لازم اكون امخلص بيرسونا ٤ و ٣؟ و نفس الشي مع دارك سولز…اذا بلعب الجزء الثاني لازم أكون امخلص الجزء الاول؟
التعليق: بخصوص لعبة داغون ايج…تكفون صارلي ٤ ساعات ألعب و للحين مو طالعتلي علامة المهمه الرئيسيه و أحس قاعد ألعب بدون فايده و بس قاعد أضيّع وقتي…اتمنى من يعقوب(لانه لعب اللعبه) يساعدني عالسريع لان قاعد أكره اللعبه
و اسف عالاطاله و شكراً لكم

السلام عليكم شلونكم شباب سؤالي باختصار كل واحد يقولنا أكثر لعبة أثرت فيه من ناحية القصة ؟ وهل وصلت لمرحلة إنك بجيت أو قربت تبجي ؟ ( نغمة حزينة لو سمحت ) :،،،(

يعطيكم العافية على حلقة بعد الآخر الي راحت ولو كنت اتمنى انكم تكلمتو عن أسوا او احبط العاب السنة.

سؤالي هو، هل بعضكم لازال يلعب و يشتري العاب اجهزة القديمة ( من جيل البلايسيشن ٢ و تحت )

السلام عليكم
سؤالي هو : ماريكم بلعبة FFXV او FF15