اسأل الفريق في برنامج “الديوانية” لتاريخ ٢٠-١٢-٢٠١٥

السلام عليكم , اخوكم محمد المحيش من السعودية اول مشاركة لي في برنامجكم الحلو
عندي سؤال لكم وخاصة أنكم من الكويت الشقيقة
هل تعرفون لعبة اسمها ماجوق mahjong لأن مره سمعتكم تتكلمون عنها في احد حلقاتكم بشكل بسيط
ودي اعرف اذا في قروب في الكويت يلعبون هذي اللعبة
لأني أعرفها من سنتين تقريبا وبديت اعلم ربعي شوي شوي عنها والحمدلله الآن في مجموعة متحمسة جدا لها
وكونا قروب في الواتساب ايضا احد الشباب يجيد اللغة اليابانية ومسوي مدونة شرح كامل للعبة
وطبعا نلعبها على قوانينها اليابانية الأصلية وماشين عليها 100%
سبب سؤالي لأن هذي اللعبة جميلة جداً وأيضاً نادر جداً أحد يعرفها من العرب
وسررت حقيقتا لما سمعتكم تتكلمون عنها ولو بشكل جانبي وأتمنا إذا تعرفون شباب بالكويت يلعبونها تردون علي
أول حتى انتو اذا ودكم تتعلمونها ممكن نتواصل معكم ونساعدكم في معرفة قوانينها
وأنصحكم تتابعون أنمي اسمه akagi انمي اصطوري اظنم لكم اذا تابعتوةه راح تتحمسون للعبة لأنها جداً شيقة
انا بدايتي كانت مع الانمي تابعته كله 26 حلقة ولا فهمت اللعبة لكن احداث الانمي شدتني كثير انمي مثير
فطلبت اللعبة من اليابان ومن شركة ننتندو (ننتندو الى الان تصنع هذي اللعبة) وبدأت مع اخواني نتعلم اللعبة حتى نشرناها عندنا بالسعودية :)

السلام عليكم
من زمان ما شاركت
سؤالي هذي الحلقة
من اكثر واحد فيكم يسب و يشتم لما يعصب و هو يلعب
انا توقعي بالترتيب هو

1- تعادل بين علي و عادل
طبعا يمتاز المركز الاول بقوة الالفاظ المستخدمة و كثرتها
و هذا السبب اللي خلاكم تطردونهم من الفريق ولا انا غلطان؟
2- حمد
3- تعادل بين يعقوب و باشابيشو
4- حسين
احس حسين اصلا ما يعصب عشان يسب، انسان ما شاء الله عليه هادي و خلؤق.
صححوني اذا كنت غلطان

السلام عليكم شلونكم يا شباب
قبل سنة شريت لعبة attack on titan
على ثري دي اس وطبعا اضطريت اخذ جهاز ياباني لانها حصرية عندهم وكوني احب الانمي وايد وحتى
Dlc اللي نزل حقها شريتهم
ومن عقب ماخلصته خشيتها عندي كوني انشغلت مع العاب
Ps4
سؤالي ودي اشغل مره ثانية جهاز ثري دي اس الياباني شلون اقدر استفيد
يعني فيه العاب حلوه على eshop او نسخة فيزيكال
ويعطيكم عافيه ايها الاسطوريون

يا مساء او صباح الخير كيف الحال يا شباب
بغيت اعرف رايكم عن الالي الشهير جاندام او جاندامو وسبب شهرته المكتسحة في اليابان
اكثر من الاساطير مثل جرندايزر ومازنجر ..الخ
من خلال تجربتكم في سفر لليابان
وعلى فكرة انا تعرفت على بودكاست جيل المحظوظين من خلال جاندام
لما كنت ابحث في جوجل عن انطباع لعبة
جاندام اكستريم في ٢٠١١ سنة
وشفت موقعكم كان فيه فيديو يعقوب وجنه معاه حمد او عادل
وشكرا

قوة شباب ان شاء الله بخير
أسف للاطالة لكن أتمنى تقرأ ردي كامل يا مهندس عبدالله
قبل فترة بسيطة ختمت grim fandango وكتبت عنها شوي أعجبني فيها سرد القصة و الحلول العجيبة للألغاز و(المناسبة ياحسين مافيه tank control باللعبة )

جائتني فكرة ليه شركات الألعاب ما تجيب مخرج أفلام يقص و يأخذ من مقاطع اللعبة السنمائية cg ويصلح فلم منها (خصوصا الألعاب اللي تعتمد على القصة)
مع تعديلات بسيطة بالمونتاج ويعرضونه في السنيما كفلم animation؟

ويكون موعد عرض الفلم نفس موعد اصدار اللعبة فمحد يقدر يسوي spoilers للثاني

لأنه ممكن الجمهور يتعرف على قصص غريبة بعيدا عن أفلام هوليوود المكررة خصوصا non gamers
مثل قصة grim fandango أو BioShock Infinite أو witcher 3 وRed Dead Redemption الخ
وسالفة youtube مهي عذر لأني أتحدى واحد مهو جيمر يروح يشوف مقاطع اللعبة في اليوتيوب من هنا والطريق
لأنه بهذا الأسلوب الشركات راح تقلل تكلفة تطوير الألعاب
على ايه حال ودي أعرف السبب + شنو الألعاب اللي ودكم يصير لها زي كذا ؟

مساء الخير
عندي سؤال واقعي هل مرة حسيت انك creeped out من أحد المتابعين ؟
مثلا يشوفك في مكان عام ويصورك بدون علمك أو يقعد يطلطل فيه وأنت طالع مع الأهل
…احم تراني قاعد اطالعكم من الشباك

السلام عليكم ورحمة الله وبركاته
شلونكم شباب؟
إن شاء الله انكم بخير وصحة وعافية

سؤالي هذا الاسبوع:
لو خيروك بين الالعاب اللي راح تصدر في سنة 2016 أنك تختار لعبة وحده بس تلعبها طوال سنة 2016 (يعني 12 شهر)، ماذا ستختار؟
بالنسبة لي غالباً ستكون الاجابة هي لعبة دارك سولز3
لأني احتاج وقت طويل جداً لإنهائها للمرة الاولى لأني اقرأ من المواقع و احوال احصل على كل شيء من المرة الأولى.

…. وشكراً