هل لديك سؤال تود طرحه على الفريق؟
اكتب لنا السؤال أو التعليق في قسم التعليقات و سوف نقوم باختيار مجموعة و الاجابة عليها في الحلقة القادمة
حيث سنقوم بتسجيلها يوم الأحد ١١-١٠-٢٠١٥مساءا فبإمكنكم المشاركة قبل ذلك
:طلب من المشاركين
– يرجى المساعدة بكتابة مشاركاتكم بالعربية حتى يسهل علينا قراءتها للمستمعين إن أمكن .
– كتابة سؤال واحد للشخص, اذا تعددت الأسئلة سنختار أول سؤال.
و شكرا
20 responses
رأيكم في بداية التهكير الكامل لأجهزة نينتاندو أولا 3DS والان Wii U
http://wololo.net/2015/10/02/loadiine-first-backup-loader-for-wii-u-released/
سلاما يا رفاق! سؤال سمعته في بودكاست أجنبي وعجبني وحبيت أطرحه عليكم. هل تؤثر معرفتكم بقصة تطوير لعبة ما على إنطباعكم عنها؟
كمثال, يعقوب لعب Broken Age وهو على علم بقصة تطويرها من بداية من campaign الكيك ستارتر ومعاناتهم في تطوير اللعبة ومشاكل نقص الموارد إلخ إلخ.
بعد فيلم Indie Game The Movie سرد معاناة المطورين المستقلين وكيف إنه بعضهم فكر ينتحر وآخر أصيب أو كاد يصاب باكتئاب وكلهم أو أغلبهم أفلسوا ماديا.
استمروا في نشر السعادة وشكرا!
هل هناك العاب فيجوال نوفل للجوال(اندرويد)
ايش اكثر لعبه خيبت الامال لكل واحد فيكم؟؟؟
شباب اول شي حاب اشكركم على شغلكم الأكثر من رائع ،و سؤالي شنو اكثر شي مزعج بالنسبه انكم قيمرز بالكويت؟
السلام عليكم يا محظوظين كيف احوالكم؟
اشتقت لكم ياشباب, من زمان ما علقت بس اسمعكم بالخفاء ^^
عموما ودي رايكم بخصوص توجه العاب الكبيرة إلى عالم المفتوح في هذا الجيل الجديد
لأنه من جد صعب تخلص كل العاب من هذا النوع في سنة وحدة الا لو واحد فاضي حيل على الآخر
ولو بتخصصون حلقة البعد الآخر لنقاش عن هذا الموضوع فما يحتاج تعطوني انطباعكم الحين
و يعطيكم الف عافية على جهودكم.
السلام عليكم شلونكم يا شباب
ولهنا عليكم وايد على برنامج الديوانية
سؤالي هالأسبوع بشكل عام عن ps tv
شفته من قبل فترة ينباع في الكترونيات الغانم بسعر
١٧دينار
بس موعارف هو شنو وظيفته بالضبط
يشغل بس العاب المحمول مثل psp&vita ؟
ويحتاج اوصل اجهزة المحموله بالجهاز علشان يطلع بالشاشه تلفزيون
ويعطيكم عافيه
على فكرة ترى سمعت حلقتكم اللي طلع فيها يعقوب وحمد بالمنتدى سعودي
اللي اسمه العاب خوش حلقه قواكم الله وعقبال نشوفكم بالبودكاستات الثانيه
مساكم الله بالخير
كيف احوالم يا جيل المحظوظين
بعيد عن الجيمز شنو مسلسلات الاجنبية الكوميدية اللي تابعونها
انا انصحكم orange is the new black
وشكرا
السلام يالمحظوظين سوال فلسفي هل بعد عشرين سنة من الجيل الحالي الالعاب تسمى كلاسيكه
السلام عليكم ياشباب التوب تير :)
احب اقول تشرفت بشفوتكم بصراحا قعدتكم ماتنمل
حمد بخصوص السراوند ساوند (المسرح المنزلي ) لقيتله حل عند بعض المعارض بلكوت مثل الغانم و غيره انه عندهم تلبيس اذا اصح التعبير للطوفه يكون عباره عن فلين او شبه خام يتعلق علي الجدران الغرفه و يعزل الصوت تشبيه !! (غرف المصحات العقليه ) LOL
بس اسعارهم خياليه تتراوح من 38 الي 89 دك و اتوقع يحسبونها بل متر يعني المتر 38 يعني الغرفه 5X5 تطلع فوق ال200 @#%^!
تتوقع يسوه لو اجهز غرفه شبه مسرح او سينمه و حق قيم بعد
المهم ماريو ميكر بط
و سوالي لكم
اذا بشتري لابتوب للقيمز يكون كرت الشاشه ماله زين يعني GTX880 او 780 او 980 ويكون شاشته 17 او 18 و يكوم خفيف او عادي بس مايكون ثقيل او عوود بلحجم و سعره مناسب
فا شرايكم اي شركه تنصحوني فيها ؟
و هل اذا شريته من امزون او موقع الشركه او من النت بشكل عام احسن ؟ لاني خليف يطلع في خراب او عطل او من هسوالف
فا ياليت تفيدوني برايكم و سبب رجوعي للنت لانه ارخص بواجد
و شكرا لكم
اسف على لقافتي
لكن نصيحة لوجه الله
Desktopلا تضيع فلوسك في لابتوب جيمنج رح جمع لك جهاز
أرخص وأقوى ويعمر معاك
خصوصا أن كروت اللابتوب حتى لو نفس النوع ما تعطي نفس القوة
إذا أنت مصر على لابتوب انصحك تشتريه من أمازون
وتأخذه شحن مباشر علشان أرخص لك والضمان افضل
لا بلعكس اشكرك علي النصيحه
انا عندي دسكتوب و بموصفات قويه بس احتاج لابتوب للدوام لانه يكون عندي وقة فراق طوييل و شغلي بس 10 دقايق و الباقي قاعد سوالف
فا زهقت من الي بدوام كلهم يجذبون لول فا قلت اخذه اقزر فيه
قوة شباب
عندي استفسار شنو السماعات اللي تستعملونها للجمنج
و الى اي حد مالي ممكن تستثمر في سماعتك ؟
انا شريت سماعة corsair 1500
وعانيت من مشكلة static noise اللي راسي بينفجر منها
وافكر حاليا اني اشتري ath-m50x
رأيكم؟؟
سؤال ياليت تزرقون لي اياه
هل انتم ناوين تحضرون معرض true gaming
هذي السنة؟
السلام عليكم ورحمة الله
عندي سؤال بوسترات الجمينج من وين تشترونها
لأن عندي غرفة ترفيه و ودي أجملها بوسترات بفريم
هل فيه موقع تطلبون منه وجودته زينة؟
Good list: http://kotaku.com/where-to-buy-great-video-game-artwork-1609559519
Also Amazon
السلام عليكم
شلونكم يا حلوين؟
عدت إليكم للمشاركه في فقرة الأسئله(التعليقات بالنسبه لبيشو) بعد انقطاع طويل
سؤالي هو: هل صارت فيكم يوم من الايام انك تباري واحد بلعبة و من كثر ما اهو نوب تخسر و ما تدري شلون تفوز عليه؟
😊
و شكرا لكم🌷
السلام عليكم شباب ان شاء الله تكونون طيبين
اول شي حاب اعتذر عن المره الي فاتت ما انتبهت للقوانين الاساله
سؤالي هالمره بعيد عن القيمينق و موجهه ليعقوب : كيف نحفت وعطنا نصايحك
هلا بالمحظوظين ويعطيكم العافية ، لو كان قرار سوني بيدك هل ستسمح بتطوير جهاز محمول آخر بعد الفيتا وهل فعلا هناك سوق يسمح بدخول جهاز ألعاب محمول ولا الأجهزة الذكية كلت الجو برايكم ؟!
Guwa Shabab!
ya36eekom el3afya.
how are you?
My question is: Do you think next year will be the best year of this gen.?
cuz as far I know, there will be: FFXV, Persona5, the last gaurdian, Ni-oh, Zelda, Uncharted4, Gear4, hitman, Dues Ex, SFV, Dark Soul 3 Dreams, quantum break, the Division, Horizon, Xcom, PSVR&oculus…etc!! and I hope Tekken7 and GT7! and I guess we will see more stuff in Paris, PSX, Games Award and next years events like E3!!!
THNX
السلام عليكم ورحمة الله وبركاته
شلونكم شباب؟
إن شاء الله انكم بخير وصحة وعافية
سؤالي هذا الاسبوع:
هل توجد طريقة في البلاستيشن4 تستطيع من خلالها ربط جهازين من خلال كيبل النتورك؟ او من خلال الشبك الداخلية للمنزل (عن طريق الراوتر)؟
تمكن شخصين يلعبون مع بعض ولكن كل واحد جهاز و شاشة مستقلة.
بهذه الطريقة تتخلص من مشاكل سرعة الانترنت والضغط على السيرفرات.
إذا كانت ليست موجودة، هل تؤيدون إضافتها بالمستقبل؟
أنا اشوفها ميزة حلوه و تفيد وايد حق اللي يحتاجها.
البلاستيشن الاول كانت موجودة فيه (تربط جهازين بكيبل خاص)، أتذكر كنت العب مع صديقي لعبة
(RED ALERT2)
او احد اجزائها
جهازين و التلفزيونين عكس بعض منعاً للغش!!!
كانت شي قوي ههههه
…. وشكراً