اسأل الفريق في برنامج “الديوانية” لتاريخ ١٠-١-٢٠١٦

السلام عليكم يا حلوين
سنة جديدة وسؤال جديد
ماهي امانيكم في السنة الجديدة على مستوى شخصي والاشياء الي حابين تحققونها
مشكورين يا أرهب بودكاست

السلام عليكم ورحمة الله وبركاته كيفكم يا شباب ؟
سؤالي هو :

كيف ممكن تكون الألعاب ثقافة ؟ أتذكر أحد تصريحات كوجيما إنه يريد الألعاب توصل لهذه المرحلة . الموضوع أكيد متشعب وكبير بس نريد نسمع ولو أراء بسيطة حول هذا الموضوع .

()() وشكرا جزيلا ()()

ما رأيكم في خبر تشغيل نيتفليكس في السعودية؟ وهل تتوقعون تتعرض الخدمة للحجب؟

السلام عليكم شباب معاكم عامر الحمد لله واخير شريت النيو ثري دي اس الحجم العادي بس عند استفسارات بخصوص الجهاز اول شي الاوجه تتغير الي فهمتو لاني أخذت بندل انيمل كروسينق فهل طريقة تغير الاوجه بسيطة او تحتاج سكرول داريفر ثاني سؤال يجي معا الجهاز ذاكرة ٤ جيجا وطبعا ما راح تكون كافية فهل تنصحوني اطلب ميموري ٣٢ او ٦٤ جيجا وهل احد منكم مجرب ال٦٤ وهل ربطت معاه بعد الفورمات fat32 وآسف على الاطالة وشكرا

السلام عليكم
يعطيكم العافيه شباب
لما تروحون الرحاب هل تروحون لمحل متعودين عليه و عارفينه ولا كل مره عشوائي

السلام عليكم شباب قطعت عنكم فترة بسبب الدراسة والاختبارات لكن أبشركم الحمد لله تخرجت هذا السيمستر يارب لك الحمد وجد اشتقت لكم واجد بس ودي أفضفض عن نتيندو وكيف الناس مستحملين حركاتهم الرخيصة اول ما شريت الثري دي اس من امازون وصلني الجهاز وبعدين رحت من الحماس ما كنت اعرف الكهرب تبع الجهاز ١١٠ وعندنا بالسعودية ٢٢٠ ثاني شي كنت احسب الجهاز زي الفيتا يشغل اي ريجون فشريت لعبة من عندنا من الريجون الأوربي ولا اشتغل !! وبعد كذا قلت ما راح اشتري الا بطايق الآي شوب وبعدين سرت احمل عادي وبعدين اكتشفت انو الألعاب الي شريتها لو شريت النيو ماراح اقدر احملها لازم اشتريها ثاني مرة !! أسف على الاطالة لمتى نتيندو راح تستمر بالتخلف هذا ايش ما يتعلمو من الشركات الثانية ؟؟

مساكم الله بالخير
كل عام وانتم بألف خير
شباب كان فيه بطولة برعاية كواليتي نت
حق العاب فايتنج صارت في سنة ٢٠١١ او ٢٠١٢ مومتأكد
وكنتوا تغطون الحدث من هناك
اللي حضر فيها دايجو اوميهارا
فيه نية بنشوف هالبطولة مرة ثانية ولا كانت مرة وحده بس وشكرا

يا مساء او صباح الخير يعطيكم عافيه يا جيل المحظوظين
دائما لما اسأل واحد اذا بغيت العب لعبة تشابة شينمو واحصل جواب واحد يقولولي ياكوزا او اسمها بالياباني ryu ga gotoku

انا ادري شينمو عندها مشكلة في السنين اللي فاتت وهو ما عندهم ميزانية حسب كلام يوسوزوكي
فسؤالي ياكوزا وشينمو من حقوق شركة سيجا ونفس تقريبا اسلوب اللعب معقولة ياكوزا ما يكلفهم وايد لاني الاحظهم كل سنة نشوف جزء يديد ؟

انا عندي ps4 ابي جهاز ثاني محتار بين الاكس بوكس او ناتندو 3ds ودي جذي جهاز محمول حق العاب بس جم سعره بلكويت 3ds

اخر مره شاركت شرحتوا لنا معنى كلمة بط
طيب اتحدى بوشهري والحاضرين يقول الجملة بسرعة ثلاث مرات بدون ما يغلط
“بطتنا بطت بطن بطتكم تقدر بطتكم تبط بطن بطتنا مثل ما بطتنا بطت بطن بطتكم “؟
اللي قولها بدون ما يغلط يبط كل الحاضرين
#lol

يا رب ألحق..يا رب ألحق..يا رب ألحق

قوة شباب, أحس صار لي دهر مو كاتب تعليق(أو سؤال عشان لا يزعل حمد) لكني متابع أول بأول و لا أفوت ولا حلقة من أقدع بودكاست في العوالم التسعة.

المهم, مو كأنه طفشنا من أسئلة “أحلى” في كل مكان؟

وش أحلى لعبة السنة اللي طافت؟ وش أحلى ساوندتراك؟ وش أحلى أكلة في رمضان؟ من أحلى واحد في LGG إلخ إلخ إلخ…

خل نغير شوي و نسأل السؤال التالي:

وش هي أسوأ لعبة لعبتها طول حياتك؟

و ما أقصد الألعاب اللي ما وصلت سقف التوقعات حقها (Watch Dogs مثالاً).

قصدي أن اللعبة سييييييييئة, سيئة لدرجة ترفع الضغط, سيئة لدرجة تنزل السكر, سيئة لدرجة أنك إحتمال تزنط نفسك بعد ما تلعبها

أتمنى يكون سؤال خفيف و لطيف و شوية تغيير عن المعتاد

دمتم سالمين