س: ما هي عناصر اللعب التي تزعجكم أو تغظبكم؟ مثال: التحكم السيئ، موت الشخصية و إعادة اللعبة من البداية
شاركنا بإجابتك على السؤال في قسم التعليق و سوف نذكرها نحن في الحلقة القادمة
حيث سنقوم بتسجيلها يوم الأحد ١١-١١-٢٠١٢ مساءا فبإمكنكم المشاركة قبل ذلك
طلب من المشاركين: يرجى المساعدة بكتابة مشاركاتكم بالعربية حتى يسهل علينا قراءتها للمستمعين بالعربية إن أمكن و شكرا
10 responses
في جم شغله تنرفز مثل:
1- بالاربيجيز لم مايكون فيها تلبورتيشن بين القرى و يخلونك تمشي ساعات على الفاضي
2- ماتقدر تسوي سكيب للمحادثات او المشاهد
3- اذا رجعت للعبه مالعبتها من فتره طويله و ماعرفت شنو تسوي و وين تروح
4- لعبه ممطوطه بتكرار المهام او سوء تصميم فتظيع فيها وايد
Unnecessary loading screens that kill all hopes of being immersed in the game.
هاي
– الفريم ريت السيء مثل الي بسايلنت هيل داونبور, العاب هالجنريشن صار هالشي موجود باغلب الالعاب و لازم ننطر ابديت ينزل عشان يعدلونه.
– الالعاب الاوفر صعبه ( احب اختم العاب عالهارد و النايتمير بس مو مثل ديمونز سولز), انا مو نووب بس ماحب لعبه ماتنلعب من كثر صعوبتها مثل دارك سولز, يعني مرا كنت العب ذا وتشر 2 عالبي سي اهي سهله بس و الله مت عند وحش فوق العشرين مرا لين بجيت و حذفت يدة الاكس بوكس مالت البي سي عالكبت بس زين ما انكسرت, الهدف من الجيمز اني استانس مو اتنرفز و ابجي و اعصب.
-القلجز و البقز و هالاشياء الخايسه الي بالاساس مفروض ماتكون موجوده باللعبه, اللعبه يصير لها فريز او الشخصيه تمشي بالهوا و معلقه جنه اللعبه مو ماره على تستر سيده منزلينها بالسوق.
-التلفيل بالعاب الاربي جي, انا مدمنة تلفيل لانه شي حلو انه تكون الشخصيه قوية و لفل 100 بس خنكون صريحين اووووفر ممل لمن تلفل الشخصيات مضيعة وقت, احيانا بخاطري اكمل اللعبه بس لا لازم اقعد الفل بالساعات عشان اقدر اذبح زعيم, عادي لعبة ار بي جي مدتها 10 ساعات تصير 3 شهور و السبه التلفيل
-التحكم السيء اكيد من اكثر الاشياء الي تنرفزني مثل العاب تومب رايدر الكلاسيك, التحكم بلارا كروفت اهو بحد ذاته لغز تحس من كثر ما الجرافيكس خااايسه الشخصيه ماتقدر تتحرك عدل .
– النيشان السيء او انه اللعبه مافيها اوتو تارقت, احيانا يحذفون الف انمي عليك و الشخصيه معاقه ساعه على ما تنيشن على الوحوش خصوصا بعد اذا كان التحكم سيء هذا يعتبر كومبو تنرفز.
-الوحوش الي تزيد طاقتها, هالشغله اكثر شي بالاربيجي الياباني . اطق وحش طاقته تنزل لي صفر بعدين بسرعه الوحش اهو بنفسه يزيد طاقته تحس مهما اطقه راح تزيد طاقته.
-شاشة “الجيم اوفر” ماحبها و تعصبني و تبجيني و تزعلني انا ما اشتري العاب عشان اموت و اموت اوفر اند اوفر
testing the new commenting system :) stylish
1) FPS platforming
2) No fast travel or no free fast travel in a massive RPG world
3)Unskippable tutorials
4)In some RPG games when you level up, everywhere in the game enemies level up with you, even the first level or place you started the game
5)Inserting Multiplayer into as much games as possible when they don’t need them
6)In some FPS’s enemies don’t stop spawning until you continue further, if you took cover and wanted to kill them one by one, they’ll just keep re-spawning
7)In some games, the co-op is limited to the distance between you and player 1, so you’ll always have to stick in a fixed distance to player 1, which is stupid.
8)Broken checkpoints in a game
9)broken save system
10)Difficulty spikes, which should be fair and not just become very hard in a random second.
1- انا عندي من الشغلات الي اركز عليها باللعبه الالحان مثال على ذلك في فاينل 7 اول ما دشيت جولد سوسر حسيت بازعاج خلاني اسيف وما اكمل المكان اليوم الي ورا حطيته ميوت و كملت اللعبه
2- دارك سولز باختصار اللعبه لا تحكم ولا الحان ولا قصه وصعبه بطريقه مالها داعي لا وفوق هذا ناس اونلاين ادشون عليك يمسحون فيك الارض باختصار الي امسوين اللعبه خل يروحون ينتحرون أحسن
بضيف بعد جم نقطه
-مراحل الماي بالالعاب مثل ميتل قير2 لمن تلعب برايدن تحت الماي و برزنت ايفل 4 لمن تلعب بليون و بفوول اوت 3 الماي كله يكون ملوث فيكون اسوء, لانه حركة الشخصيات تحت الماي مليقه و صعبه و فوق كل هذا تختنق بسرعه و يطلع قروش و خرابيط.
-الوقت المحدود مثل العاب Atelier meruru, rorona
باللعبه في وقت محدود انك تسلم المهمه اذا طولت باللعب او التلفيل او قاعد تسوي سايدكويست و طار الوقت تنتهي اللعبه!! و تطلعلك فجأه اسوء نهايه حتى لو كنت ماشي صح باللعبه و السبه انه خلص وقت اللعبه!! , هذي اغبى فكره بعالم الفيديو جيمز خصوصا انها موجوده بلعبة ار بي جي و العاب من هالنوعيه تاخذ وقت.
و في العاب ثانيه يكون فيها مقاطع صغيره حاطينلك وقت فوق ارقام تمشي بسرعه و لازم اتسوي شغله معينه قبل لا يخلص الوقت هالشغله هم تنرفز.
سلام عليكم
1-سهوله المبالغة في العاب احسسونك انك وايد غبي ماتقدر تفكر كأنهم اقولون خلنا احنا نفكر عنك وندليك طريج عيل ليش العب
2-اذا كانت العبه فيها فراغ من اهدافها تحس ان في اشياء اساسيه من العبه موموجوده مثل فاينل فانتسي 13 من الخطيه مافي اماكن المتنوعه او واسعه مثل اي لعبة فاينل
3-قصر العبه خاصة اذا كانت العبه حلوه
السلام عليكم شباب
1- اللعبة تكون سهلة زيادة عن اللزوم لي درجة انة تقدر تهد اللعبة تروح وترد وتلقا مو ناقص منك وايد طاقة او ما يلمسونك كلش
2- الساوند ترك السيء
3-واخس شي واللي صج خلاني اكره معضم الالعاب انة الرئيس الاخير يحطونة تعجيزي
خاصتا بسلسلة كنق اوف فايتر او ستريت فايتر اهم عندي من احسن الالعاب بس كرهتهم بسبت هالشغلة ي
يخلوون الرئيس الرفسة العادية او البقس ينقص كثر السوبر مالتك والدفاع مالة اسطوري
ويخلوونك غصبن عنك تدور cheat
مع العلم اني لعيييب وما اهد اللعبة الى اذا حاولت كلشي قبل لا أيأس منها
4- طبعا التحكم
5- الكويك افنت بس مو بكل الالعاب اكرهاا برزدنت ايفل لان يقرقووون بالكت سين وايد وفجئة يطلع لك طق اكس ومربع بسرعة انا شدراني انة في كويك افنت
عطوني هنت نفس لعبة ون بيس بايرت ووريوور قبل لا يحطون شي يمهدون لك انه في شي زهب عمرك
بس الي هديتهم صج كنق اوف فايتر وستريت فايتر وجم لعبة بس مو وايد يمكن 4 او 5 العاب بس طول ما انا العب يعني من ايام الاتاري :)
ومشكورين وما قصرتووو
ونبي الستكرزات من بيشوو نبي نشهر الموقع ونخليه كبييير ترا تستاهلون وانا ودي اساهم بشهر الموقع ويمكن اكون وياكم بعدين ما تدرووون
شلونكم شباب بالنسبة للموضوع في وايد جوانب وامور هامة وراح اطرح بعض نقاط منها, -1لووووود البطييء الي انا من صندم من اجهزة الجيل هذا على رغم من تطورها الا انا انشووف وايد العاب فيها لوود لايطاق -2,والمشاكل تقنية في بعض العاب -3 وشروط التعجيزية في المهمات الجانبية في اللعبة الي تخليك تكسر ماوراك ودونك. وصراحة عند طلب يليت تلبونه ابي في نهاية الحلقة تحطون موسيقة هذيsecrets من لعبة هوتل دسك وشاكركم